2018.8.1 凌晨

昨夜是黃子華最後一場棟篤笑2018.7.31，講過了28年的光景，猶如香港一個時代的終結。

慶幸是廣東出生，睇港劇成長，仲有香港的漫畫，書籍，長大後先發現原來自己是識得睇繁體字，識白話。十年前系廣州讀大學，學校的網盤有分享你的棟篤笑，第一次睇，08年，20歲，歡笑之餘竟然發覺得你講嘅野自己竟然會明白，先發覺原來前面20年所接受的文化竟然大部分是來自香港。原來你唔凈止系男亲女爱的余樂天。第一次覺得震耳發聵，笑完之後系會發人心醒，猶如星爺的喜劇，唔系凈得喜劇凈系笑。

1990年你30歲開第一場show，10年前我先認識原來呢個先系黃子華。今年我都正好30，你卻金盆浪口了，而我仍然未到過現場去睇，唔算真系fans，但亦感終生遺憾。

或者呢個幻海奇情的時代真系已經終結了。

再次道別了，子華。